screen shot file photo

سريلنڪا جي نئين چونڊيل صدرکي عمران خان جي مبارڪ

ڪولمبو(ويب ڊيسڪ) پاڪستان جي وزيراعظم عمران خان سريلنڪا جي نئين چونڊيل صدر کي مبارباد ڏني آهي. سريلنڪا جي صدارتي چونڊن ۾ اڳوڻي صدر مهندرا راجا پاڪسا جو ڀاءُ گوٽابايا راجا پاڪسا حڪومتي اميدوار کي شڪست ڏئي ڇڏي. غير ملڪي خبر ايجنسي مطابق حڪومتي اميدوار سجيٿ پريماداسا ملڪ ۾ گذريل ڏينهن ٿيندڙ صدارتي چونڊن ۾ پنهنجي شڪست تسليم ڪندي هن پنهنجي حريف گوٽابايا راجا پاڪسا کي صدارتي چونڊون کٽڻ جون مبارڪون پڻ ڏنيون آهن. سريلنڪن ميڊيا مطابق گوٽابايا راجا پاڪسا کي چونڊن ۾ 54 سيڪڙو ووٽ مليا. ميڊيا رپورٽ مطابق سرڪاري سطح تي گوٽابايا راجا پاڪسا جي کٽڻ جو اعلان هن وقت تائين ناهي ڪيو ويو پر گوٽابايا رجا پاڪسا جي ترجمان چونڊن ۾ ڪامياب ٿيڻ جو اعلان ڪري ڇڏيو آهي. واضح رهي ته گوٽابايا راجا پاڪسا پنهنجي ڀاءُ مهندرا راجا پاڪسا جي صدارتي دور ۾ وزارت دفاع جو سيڪريٽري رهي چڪو آهي.

پهنجو تبصرو موڪليو