خيرپور ناٿن شاهه (رپورٽ برڪت علي چانڊيو) گوزو ٿاڻي جي حد ڳوٺ مغري جو دڙو ۾ عيد تي ويل زال کي واپس وٺي اچڻ واري نوجوان ۽ گهر ڀاتين تي سھري ۽ سالن لائق، نور حسين، راھب ۽ ٻين پاران ڏانڊا ھڻي کيس زخمي ڪري ڇڏيو. زخمين جو چوڻ ھيو ته اسان اڄ صبح گھر ۾ آرامي ھياسين ته لائق، راھب، حسين ۽ ٻيا اسان جي گھر ۾ گھڙي اسان تي حملو ڪري ڏنو جنھن ۾ گوليون ۽ ڏنڊا لڳڻ سبب مسمات بشيران، حڪيم، پنھل، يار محمد سخت زخمي ٿي پيا آھيون. مسمات بشيران ٻڌايو ته منھنجي ان گھر ۾ نياڻي ڏنل آھي منھنجو پٽ پنھنجي گھر واري کي وٺڻ ويو ته اتي موجود لائق، نور حسين، حاجي ۽ ٻين منھنجي پٽ کي ڏانڊا ھڻي رتورت ڪري ڇڏيو اسان سان انصاف ڪيو وڃي ۽ انھن کي گرفتار ڪيو وڃي.ھنن جو وڌيڪ چوڻ ھيو ته واقعي جي اين سي گوزو ٿاڻي تي داخل ڪرائي آھي پر ھن وقت تائين پوليس ڪابه گرفتاري عمل ۾ نه آندي آھي.
