اسلام آباد(بيورو رپورٽ)پاڪستان تحريڪ انصاف جي اڳواڻ شاهه محمود قريشي جو چوڻ آهي ته جيڪڏهن خواجا آصف ڳالهين جو قائل ناهي ته اسحاق ڊار کي پڇڻ گهرجي ته هو ڳالهيون نه ڪن.چوڌري پرويز الاهي جي گهر ٻاهران ميڊيا سان ڳالهائيندي شاهه محمود چيو ته پ پ ۽ حڪومت وچ ۾ ڇڪتاڻ آهي، پ پ جو صدر مولانا فضل الرحمان ڳالهين جي حق ۾ ناهي.شاهه محمود چيو ته چادر ۽ چار ديواريءَ جو تقدس پامال ڪيو ويو، تحريڪ انصاف جو هر ڪارڪن چوڌري پرويز الاهي سان گڏ بيٺو آهي، زمان پارڪ ۾ عمران خان جي گهر تي ساڳيو حملو ڪيو ويو.هن چيو ته علي امين گنڊاپور سان جيڪو ڪجهه ٿي رهيو آهي اهو ڪنهن کان ڳجهو ناهي، فحاشي باوجود چوڌري صاحب قانون جو رستو اختيار ڪيو، ڪالهه اسلام آباد هاءِ ڪورٽ ٻاهران اسان جي 33 ڪارڪنن کي کنڀيو ويو.هن چيو ته شهباز شريف ۽ محسن نقوي کي ذميوارين کان ڇوٽڪارو نه ٿو ڏئي سگهجي، شهباز شريف ۽ محسن نقوي ذميواري قبول ڪن يا کليل نموني پاڻ کي لاتعلق ڪن.پي ٽي آءِ اڳواڻ چيو ته اليڪشن بابت فيصلو سپريم ڪورٽ آئين جي روح موجب ڏنو آهي، اليڪشن ڪرائڻ بابت سپريم ڪورٽ جي فيصلي جا پابند آهيون.
