ڪراچي (اسٽاف رپورٽر) اسٽيٽ بئنڪ آف پاڪستان جون ۾ پرڏيهه ۾ رهندڙ پاڪستانين پاران موڪليل ڊالرن جا تفصيل جاري ڪري ڇڏيا. اسٽيٽ بئنڪ آف پاڪستان موجب، پرڏيهه ۾ رهندڙ پاڪستانين جون 2026ع دوران 3.5 ارب ڊالر وطن موڪليا.اسٽيٽ بئنڪ آف پاڪستان جو چوڻ آهي ته مالي سال 2026ع دوران ورڪرز ترسيلاتِ زر (پرڏيهي ناڻي) جو مجموعي حجم 41.58 ارب ڊالر رهيو. انگ اکرن موجب، مالي سال 2026ع ۾ پرڏيهه ۾ رهندڙ پاڪستانين سراسري طور 3.46 ارب ڊالر ماهوار پاڪستان موڪليا.
