اسلام آباد (بيورو رپورٽ)پاڪستان بار ڪائونسل جي ميزبانيءَ هيٺ آل پارٽيز ڪانفرنس ۾ قومي اسيمبلي ۾ اپوزيشن ليڊر شهباز شريف ۽ پ پ چيئرمين بلاول ڀٽو جي شرڪت، محمود خان اچڪزئي، مولانا غفور حيدري ۽ بلوچستان جو اڳوڻو وڏو وزير ڊاڪٽر عبدالمالڪ به اي پي سي ۾ موجود، پاڪستان بار ڪائونسل جي وائيس چيئرمين عابد ساقي چيو آهي ته اي پي سي جي موضوعن ۾ ججز جي مقرري جو طريقيڪار، احتساب ۽ شهرين جي آزادي وارا مامرا شامل آهن.
ججز جي مقرريءَ جو اختيار پارليامينٽ وٽ هئڻ گهرجي، پارليامينٽ ۾ موجود ڌُريون قانون سان واڳيل ماڻهن کي متحرڪ ڪري ججز جي مقرريءَ جو طريقيڪار طئه ڪن، ججز مقرريءَ لاءِ آئين جي آرٽيڪل 175 ۾ ترميم ڪئي وڃي، احتساب جا ادارا هاڻي سياسي انجنيئرنگ جو اوزار بڻجي ويا آهن.
