اسلام آباد (بيورو رپورٽ) اڳوڻو سينيٽر انور بيگ 77 سالن جي ڄمار ۾ لاڏاڻو ڪري ويو. سندس خاندان وارن جو چوڻ آهي ته هو مختلف بيمارين ۾ ورتل هيو ۽ جمعي تي سندس ساهه جو سڳو ٽٽي ويو. انور بيگ هڪ تجربيڪار سياستدان، انساني وسيلن جي انتظام جو ماهر ۽ پنهنجي ترقي پسند طرز سياست لاء مشهور هو. سندس جنازي نماز اڄ منجهند ادا ڪئي وئي ۽ سندس مڙهه ايڇ اليون جي قبرستان ۾ مٽي ماءُ حوالي ڪيو ويو. سينيٽ ۾ پنهنجي دور ۾، بيگ انساني حقن، برابري ۽ تنوع جو چيمپئن هو. هو اميگريشن سڌارن جو پڻ مضبوط حامي هو ۽ اهڙيون پاليسيون ٺاهڻ لاءِ ڪم ڪيو جيڪي پاڪستاني شهرين جي ٻاهرين ملڪن ۾ آباد ٿيڻ ۾ آساني پيدا ڪن.
