بنون (ويب ڊيسڪ)بنون ۾ ڪائونٽر ٽيررازم ڊپارٽمينٽ (سي ٽي ڊي) انٽيليجنس تي ٻڌل آپريشن ڪيو ۽ هڪ گهربل دهشتگرد ڪمانڊر کي گرفتار ڪيو.ايس پي سي ٽي ڊي موجب، گرفتار ٿيل گهربل دهشتگرد ڪمانڊر جي سڃاڻپ بنون جو رهواسي اسامه جي نالي سان ٿي آهي، جيڪو دانيال ۽ باغي جي نالن سان سڃاتو وڃي ٿو.انهن جو چوڻ آهي ته اسامه نئين دهشتگرد تنظيم اتحاد مجاهدين پاڪستان جو هڪ سرگرم ڪمانڊر هو. دهشتگرد 9 وڏين ڪارروائين جو اعتراف ڪيو، جنهن ۾ اسسٽنٽ ڪمشنر ميرانشاهه تي حملو به شامل آهي.ملزم ڊسمبر 2025 ۾ اي سي ميرانشاهه شاهه ولي خان تي حملو ڪرڻ ۽ سندس گاڏي ساڙڻ جو اعتراف ڪيو.ملزم اڳوڻي ايس ايڇ او عابد وزير جي اغوا ۽ قتل ۾ به پنهنجي ملوث هجڻ جو انڪشاف ڪيو آهي.ايس پي سي ٽي ڊي موجب، ملزم لڪي مروت امن ڪميٽي جي 3 اڳواڻن جي اغوا ۽ قتل ۾ به پنهنجي ملوث هجڻ جو اعتراف ڪيو آهي.
