تهران (ويب ڊيسڪ) سينٽڪام ايران ۾ 1700 ٽارگيٽس تي حملا ڪيا اهن جن ۾ زميني ۽ سامونڊي حملا شامل آهن. ايراني ميڊيا چيو آهي ته اسرائيل ۽ آمريڪا پوليس اسٽيشنز ۽ جيلن تي به حملا ڪيا آهن جيئن قيدي فرار ٿي سگهن ۽ ايراني شهري حڪومت خلاف بعاوت لاءِ نڪرن، خليجي ملڪن ۾ آمريڪا سفارتخانن کي بند پيو ڪري يا سرگرميون محدود ڪيون آهن، ڪجهه ملڪن ۾ سفارتي عملي کي شيلٽر ۾ رهڻ لاءِ چيو آهي. صدر ٽرمپ چيو اهي ته اسين چاهيون ٿا ته جنگ ختم ٿيڻ بعد ايران مان ئي ڪو ملڪ کي هلائي ۽ رضا شاهه پهلوي جو پٽ ضروري ناهي ته ليڊ ڪري. ايراني صدر مسعود پزشڪيان چيو آهي ته جنگ جي باوجود حڪومت پنهنجو ڪم ڪري رهي آهي ۽ دشمن کي ڀرپور جواب ڏيندا رهنداسين. اسرائيلي ميڊيا موجب تل ابيب جي مختلف علائقن ۾ ايراني ميزائلن ۽ ڊرونز سبب 7 ماڻهو زخمي ٿيا آهن، ڪيترين ئي عمارتن ۽ گاڏين کي نقصان پهتو ۽ روڊن ۾ کڏا پئجي ويا آهن. ايران کاڌي پيتي جي شين ۽ زرعي جنسن جي ايڪسپورٽ تي پابندي لڳائي آهي. آمريڪا مصر سميت مڊل ايسٽ جي 14 ملڪن مان پنهنجي شهرين کي نڪري وڃڻ جي صلاح ڏني آهي. روس جي پرڏيهي وزير خدشو ظاهر ڪيو آهي ته فوري طور جنگبدي ٿيڻ گهرجي ۽ جيڪڏهن اهڙي نموني حملا جاري رهيا ته عرب ملڪ به ايٽمي هٿيارن حاصل ڪرڻ جي ڪوشش ڪندا. ايراني پرڏيهي کاتي جي ترجمان اسماعيل بقائي عالمي برادري کي جنگ بندي لاءِ جلد ڪوشش ڪرڻ جي اپيل ڪئي آهي، هن چيو ته جنگ اسان شروع ناهي ڪئي، جنگبندي اهي ڪندا جن جنگ شروع ڪئي آهي. هن چيو ته ان کان اڳ جو گهڻي دير ٿي وڃي، جنگ بند ٿيڻ گهرجي، هي جنگ پوري يورپ ۽ دنيا کي پنهنجي لپيٽ ۾ وٺندي. اسرائيلي فوجي ترجمان تصديق ڪئي آهي ته ايران سينٽرل اسرائيل جي مختلف جاين تي ميزائيل ۽ ڊرون حملا ڪيا آهن، بي بي سي جاري ڪيل هڪ فوٽيج ۾ ڏسي سگهجي ٿو ته هڪ عمارت تباهه ٿي آهي ۽ باهه لڳل آهي، پر اسرائيل جي دعوا آهي ته هنن ميزائيل ۽ ڊرونز فضا ۾ ئي تباهه ڪيا آهن. اسرائيلي فوج اعلان ڪيو آهي ته هنن ايراني براڊ ڪاسٽرجي آفيس، صدارتي محل ۽ قومي سلامتي ڪائونسل جي آفيس تي تي حملا ڪيا آهن. ايران م ريڊ ڪراس موجب 4 ڏينهن کان جاري جنگ ۾ مرندڙن جو انگ 787 ٿي ويو آهي. هوڏانهن اسرائيل لبنان تي به زميني فوج ذريعي حملا ڪيا آهن ۽ ڪافي علائقي تي قبضو ڪيو آهي. لبنان مان 30 هزار ماڻهن شامي سرحد ڏانهن لڏ پلاڻ ڪئي آهي. حزب الله جي اڳواڻ چيو آهي ته برداشت جي حد ختم ٿي چڪي آهي هاڻي ماٺ نه رهنداسين. برطانيا جي وزيراعظم چيو آهي ته اسين عراق جنگ جهڙي غلطي نه ڪنداسين ۽ ايران خلاف جنگ ۾ آمريڪا سان گڏ نه آهيون، البته آمريڪا اسانجا اڏا استعمال ڪري سگهي ٿو. صدر ٽرمپ افسوس ظاهر ڪندي چيو آهي ته برطانيا جي مدد جي ضرورت ناهي پر برطانيا مان اهڙي جواب جي امييد نه هئي. اسپين ، جرمني ۽ نيٽو به ايران خلاف جنگ کان پري رهڻ جو اعلان ڪيو آهي. اهو پهريون ڀيرو آهي ته يورپ جي اهم ملڪن ۽ نيٽو آمريڪا جو ساٿ نه ڏيڻ جو اعلان ڪيو آهي.
ايران وچ اوڀر ۾ ڇهن آمريڪي فوجي اڏن تي ميزائل فائر ڪيا آهن.ايران بحرين، عراق، يو اي اي ۽ ڪويت ۾ آمريڪي فوجي اڏن تي ميزائل فائر ڪيا آهن. ايران مختلف اسرائيلي شهرن تي پڻ ميزائل فائر ڪيا آهن. بحرين ۾ آمريڪي اڏي تي ارنا نيوز ايجنسي موجب 3 ميزائيل ۽ 20 ڊرونز فائر ڪيا ويا آهن. سعودي عرب ۾ آمريڪي ايمبيسي تي به حملو ڪيو ويو آهي. سينٽڪام هن مهل تائين 6 فوجي مارجڻ جي تصديق ڪئي آهي، دنيا ۾ تيل ۽ گيس جون قيمتون وڌي رهيون اهن.
ايراني انقلابي گارڊز جو آبنائي هرمز ۾ آمريڪي تيل ٽينڪر تي حملو
ايران جي پاسداران انقلاب ڪور آبنائي هرمز ۾ هڪ آمريڪي آئل ٽينڪر تي حملو ڪيو آهي.پاسداران انقلاب دعويٰ ڪئي آهي ته آمريڪي آئل ٽينڪر تي ٻن ڊرونن سان حملو ڪيو ويو، جنهن جي ڪري ٽينڪر ۾ باهه لڳي وئي. اهو حملو آمريڪا ۽ اسرائيل جي تازين حملي جي جواب ۾ ڪيو ويو.
ڊگهي جنگ جي تياري ڪريون پيا، 6,000 سال پراڻي تهذيب جو دفاع ڪنداسين، علي لاريجاني
ايران جي قومي سلامتي ڪائونسل جي سيڪريٽري جنرل علي لاريجاني چيو ته ايران هڪ ڊگهي جنگ جي تياري ڪري رهيو آهي، اسان پنهنجي 6,000 سال پراڻي تهذيب جو دفاع ڪنداسين.علي لاريجاني چيو ته ڪابه قيمت نه هجي، دشمن اندازي جي غلطي تي پشيمان ٿيندو.ايران جي قومي سلامتي ڪائونسل جي سيڪريٽري جنرل وڌيڪ چيو ته 300 سال اڳ وانگر، اسان هن ڀيري به جنگ ۾ شروعات نه ڪئي.ٻئي طرف، ايران جي عبوري قيادت ڪائونسل جي ميمبر آيت الله علي رضا عرفي چيو آهي ته ايران تي آمريڪي ۽ اسرائيلي حملو غلط اندازن تي ٻڌل آهي.عبوري قيادت ڪائونسل جو ميمبر بڻجڻ کان پوءِ پنهنجي پهرين بيان ۾، هن چيو ته آمريڪا ۽ اسرائيل ايران خلاف غلط، نامناسب ۽ غير منصفانه ڪارروائي ڪئي.آيت الله علي رضا عرفي چيو ته قيادت ڪائونسل پنهنجي فرضن کي محنت سان نڀائيندي.
خامنه اي جو قتل مذهبي ڏوهه آهي، ان جا سنگين نتيجا نڪرندا: عراقچي
ايراني پرڏيهي وزير عباس عراقچي چيو آهي ته خامنه اي جو قتل هڪ مذهبي ڏوهه آهي جنهن جا سنگين نتيجا نڪرندا.پنهنجي بيان ۾، عباس عراقچي چيو ته ايران جي علائقائي ملڪن سان ڪا به جنگ ناهي، ۽ علائقائي ملڪن کي ايران تي حملي جي حوالي سان آمريڪا تي دٻاءُ وجهڻ گهرجي.پرڏيهي وزير عباس عراقچي چيو ته آمريڪا ڳالهين جي وچ ۾ ايران تي حملو ڪري سفارتڪاري سان غداري ڪئي آهي.ايراني پرڏيهي وزير آمريڪي حملي ۾ مارجي ويل 160 اسڪولي ڇوڪرين جي قبرن جي تصوير شيئر ڪئي ۽ چيو ته هي اهو بچاءُ آهي جيڪو ٽرمپ ايراني عوام سان واعدو ڪيو هو.
آمريڪا پاران 6 فوجي اهلڪارن جي مارجڻ جي تصديق
آمريڪي سينٽرل ڪمانڊ (سينٽ ڪام) تصديق ڪئي آهي ته ايران سان جنگ ۾ هاڻي تائين ڪل 6 آمريڪي فوجي مارجي ويا آهن.سينٽ ڪام جي مطابق، ايران جي شروعاتي حملي ۾ مارجي ويل ٻن وڌيڪ سپاهين جا لاش هٿ ڪيا ويا آهن.آمريڪا پڻ تصديق ڪئي ته ڪويت ۾ 3 جنگي جهاز ڪري تباهه ٿيا. آمريڪا اهو به دعويٰ ڪيو ته انهن عمان جي خليج ۾ سڀئي ايراني جهاز تباهه ڪري ڇڏيا آهن.ايراني جهاز کي تباهه ڪرڻ جي آمريڪي دعويٰ کان پوءِ، ايراني پاسداران انقلاب هڪ خبرداري جاري ڪئي، جنهن ۾ خبردار ڪيو ويو ته آبنائے هرمز مڪمل طور تي بند آهي، ۽ جيڪو به جهاز گذرڻ جي ڪوشش ڪندو ان کي ساڙي رک ڪيو ويندو.انقلابي گارڊز پڻ آبنائے هرمز ۾ هڪ آمريڪي تيل ٽينڪر تي حملو ڪرڻ جو دعويٰ ڪيو.ايران تي آمريڪا ۽ اسرائيلي حملن ۾ فوتين جو انگ 555 تائين پهچي ويو آهي، ايراني ريڊ ڪريسنٽ جي مطابق، حملن ۾ 131 شهر نشانو بڻايا ويا.
ايران تي سخت ترين حملا اڃا ٿيڻا آهن: روبيو
آمريڪي پرڏيهي وزير مارڪو روبيو خبردار ڪيو ته ايران تي سخت ترين حملا اڃا تائين اچڻا آهن.ميڊيا سان ڳالهائيندي، آمريڪي پرڏيهي وزير دعويٰ ڪئي ته ايران ۾ حڪومت جي تبديلي موجوده آمريڪي فوجي آپريشن جو سرڪاري مقصد ناهي.هن واضح ڪيو ته آمريڪا مڪمل طور تي ايران جي ميزائل پروگرام، ان جي پيداواري صلاحيت ۽ بحري طاقت کي تباهه ڪرڻ تي ڌيان ڏئي رهيو آهي. مقصد اهو يقيني بڻائڻ آهي ته ايران وٽ ايٽمي هٿيار نه هجن.روبيو چيو ته جيڪڏهن ايراني عوام پاڻ موجوده حڪومت کي ختم ڪري ڇڏين ته آمريڪا ان جو استقبال ڪندو، پر اهو موجوده آپريشن جي مقصدن جو حصو ناهي.مارڪو روبيو چيو ته ايران تي سخت ترين حملا اڃا تائين اچڻا آهن، پر ايران ۾ زميني فوج داخل ڪرڻ لاءِ ڪا به تياري ناهي.
سائين مھرباني ڪري اخبار جي ٻوليءَ جي بھتري تي به توجھ ڏيو، مثال:( پنھنجو) ھيئن لکجي. ان کان علاوه ھيٺ لکيل آهي ته (موڪلو) ان کي موڪليو لکو