ممبئي(ويب ڊيسڪ)هندستان جي سڀ کان وڏي ايئر لائنز IndiGo ۽ GoFirst پنهنجن 50 جهازن کي گرائونڊ ڪيو آهي.ايئر لائنز موجب 50 ايئربس اي 320 جهاز کي گرائونڊ ڪرڻ جو فيصلو انجڻ سپلائي چين ۽ پي اين ڊبليو جي مسئلن سبب ڪيو ويو آهي پر وڏن ٽيڪنيڪل مسئلن جي باوجود ايئر لائن جو آپريشن متاثر نه ٿيندو.بجيٽ ڪيريئرز مان هڪ جي هڪ سينئر آفيسر چيو ته P&W انجڻين سان مسلسل مشڪلاتن کي دور ڪرڻ لاءِ، ان جي خريداري جي ايندڙ آرڊر لاءِ انجڻ فراهم ڪندڙ کي تبديل ڪرڻ تي پڻ غور ڪيو پيو وڃي.هندستان جي IndiGo ايئر، جيڪا آگسٽ 2005 ۾ وجود ۾ آئي، صرف 16 سالن ۾ هندستان جي سڀ کان وڏي ايئر لائن طور اڀري آئي آهي 310 جهاز سڄي دنيا ۾ 101 منزلن تي ڪم ڪري رهيا آهن.
