اسلام آباد (بيورو رپورٽ) گهرو وزير رانا ثناءُالله هلندڙ سال مئي ۾ پي ٽي ائي لانگ مارچ دوران ايندڙ خرچن جي رپورٽ ايوان ۾ پيش ڪري ڇڏي جنهن مطابق امن امان جي صورتحال تي ڪنٽرول لاءِ 33 ڪروڙ 70 لک رپيا خرچ ٿيا قومي اسيمبلي ۾ سوالن جي وقفي دوران گهرو وزير چيو ته ڪنٽينرز ۽ ٻين گاڏين جي ڀاڙن جي مد ۾ 21 ڪروڙ 70 لک رپيا ادا ڪيا ويا ڳوڙها آڻيندڙ گئس ۽ ٻين تي 3 ڪروڙ 15 لک رپيا خرچ ٿيا گهرو وزير چيو ته پوليس جي کاڌي پيتي تي 4 ڪروڙ 78 لک رپيا خرچ ٿيا ٻين خرچن جي مد ۾ 4 ڪروڙ 5 لک رپيا خرچ ٿيا.
