فيصل آباد (ويب ڊيسڪ)سڌ سماءَ واري وفاقي وزير عطاءُ تارڙ جو چوڻ آهي ته مخصوص سيٽن بابت ڪيس ۾ سپريم ڪورٽ جي ججن اختلافي نوٽ ۾ اهم نقطا اٿاريا آهن، جن جو جواب ڏيڻ انتهائي ضروري آهي.فيصل آباد ۾ پريس ڪانفرنس ڪندي سڌ سماءَ واري وفاقي وزير عطاءُ الله تارڙ چيو ته مخصوص سيٽن جي فيصلي کي 15 ڏينهن گذرڻ باوجود تفصيلي فيصلو نه آيو آهي. مخصوص سيٽن جي صورت ۾ ان پارٽي کي رليف ڏنو ويو جيڪو درخواست گذار نه هو. هن چيو ته مخصوص سيٽن بابت تڪراري نوٽ جاري ڪيو ويو، آئين جا ڪجهه آرٽيڪل مخصوص سيٽن سان لاڳاپيل آهن.وفاقي وزير چيو ته معزز ججن چيو ته 15 ڏينهن گذرڻ باوجود تفصيلي فيصلو ڇو نه آيو، سپريم ڪورٽ جي ٻن ججن تمام مفيد نقطا اٿاريا آهن. معزز ججن جي اعتراضن جو جواب ڏيڻ تمام ضروري آهي، هڪ طرفي رليف ڏيڻ سان غلط تاثر پيدا ٿيندو. هن وڌيڪ چيو ته مخصوص سيٽن جي فيصلي تي نظرثاني جي درخواست داخل ڪئي وئي آهي، ڇا مستقبل ۾ ان فيصلي کي فلور تبديل ڪرڻ يا پارٽي تبديل ڪرڻ جو جواز پيش ڪرڻ ممڪن ٿيندو. عطا تارڙ چيو ته سني اتحاد ڪائونسل جي چيئرمين آزاد حيثيت ۾ اليڪشن ۾ حصو ورتو، سني اتحاد ڪائونسل جي آئين ۾ آهي ته ڪو به اقليتي ميمبر سندس پارٽي جو ميمبر نٿو بڻجي سگهي.
