لاهور (ويب ڊيسڪ)مسلم ليگ ق جي سينيئر اڳواڻ ۽ پنجاب جي وڏي وزير لاءِ پي ٽي آءِ جي نامزد اميدوار چوڌري پرويز الاهي چيو آهي ته اسان ٻن وڏين پارٽين کي مات ڏئي ڇڏيو آهي، گھٻرائڻ جي ضرورت ناهي. سماجي رابطن واري ويب سائيٽ ٽوئيٽر تي جاري ڪيل بيان ۾ هن چيو ته اسان عثمان بوزدار سان گڏ ڪم ڪيو. پرويز الاهي چيو ته انشاءَ الله ووٽ واري ڏينهن اسان کٽنداسين. سينيئر سياستدان اهو به چيو ته اسان اڳ به دليون کٽيون آهن ۽ فتح ڪندا رهنداسين، سڀني سان گڏ هلنداسين.
