راولپنڊي (ويب ڊيسڪ)انٽر سروسز پبلڪ رليشنز (آءِ ايس پي آر) چيو آهي ته آمريڪا ٻوڏ متاثرين جي مدد ڪندو.آءِ ايس پي آر موجب، آمريڪي فوج جي سينٽرل ڪمانڊ ذريعي 6 پروازن تي امدادي سامان پاڪستان پهچندو. امدادي سامان کڻي ويندڙ پهرين پرواز اڄ پاڪستان پهتي ۽ سامان پاڪستاني فوج جي حوالي ڪيو ويو.آءِ ايس پي آر موجب، امدادي سامان ۾ خيما، پاڻي صاف ڪرڻ وارا پمپ ۽ جنريٽر شامل آهن. آمريڪي چارج ڊي افيئرز ۽ ڪمانڊر يو ايس آر سينٽ اسلام آباد ۾ پاڪستان فوج جي حوالي ڪيو.امدادي سامان پاڪستان فوج جي ٻوڏ متاثرين ۾ ورهايو ويندو.آءِ ايس پي آر جو چوڻ آهي ته پاڪستاني حڪومت ۽ عوام هن ڏکئي وقت ۾ ٻوڏ متاثرين سان گڏ بيهڻ تي آمريڪي حڪومت ۽ فورسز جا شڪرگذار آهن.
