دبئي (ويب ڊيسڪ)انٽرنيشنل ڪرڪيٽ ڪائونسل (آءِ سي سي) آءِ سي سي مينز ٽي 20 ورلڊ ڪپ جي 10 هين ايڊيشن لاءِ ڪمينٽري پينل جو اعلان ڪري ڇڏيو آهي. پينل ۾ اڳوڻي عظيم ۽ موجوده ستارن جي شاندار فهرست شامل آهي.ٽي 20 ورلڊ ڪپ 7 فيبروري کان هندستان ۽ سريلنڪا ۾ شروع ٿيندو، جنهن ۾ اعلان ڪيل ڪمينٽري پينل ۾ روي شاستري، ناصر حسين، ايان سمٿ ۽ ايان بشپ جهڙا عالمي شهرت يافته نالا شامل آهن.ٽي 20 ورلڊ ڪپ ڪمينٽري پينل ۾ چار پاڪستاني نالا وسيم اڪرم، وقار يونس، بازيد خان ۽ رميز راجا شامل آهن، جڏهن ته آرون فنچ، دنيش ڪارٿڪ، ڪمار سنگاڪارا، سيموئل بدري، رابن اٿپا ۽ ڪارلوس بريٿ ويٽ پڻ ڪمينٽري جا فرض انجام ڏيندا.دلچسپ ڳالهه اها آهي ته موجوده رانديگر ۽ آءِ سي سي ورلڊ ٽيسٽ چيمپئن شپ کٽيندڙ ڪپتان ٽيمبا باوما پڻ ڪمينٽري ۾ پنهنجو آواز جادو ڏيندا.جڏهن ته 2014 جي ٽي 20 ورلڊ ڪپ جو فاتح اينجلو ميٿيوز پڻ ڪمينٽري ٽيم جو حصو هوندو ۽ اهي ٻئي پهريون ڀيرو ورلڊ ڪپ ۾ ڪمينٽري ڪندا.
