لاهور (ويب ڊيسڪ)ٽينس اسٽار اعصام الحق ڀارتي حڪومت کي مشورو ڏنو ته ڀارت ڊيوس ڪپ سان گڏ ڪرڪيٽ ٽيم پاڪستان موڪلي.هڪ بيان ۾ اعصام الحق چيو آهي ته ڀارت کي آءِ سي سي چيمپيئنز ٽرافي کيڏڻ لاءِ پاڪستان اچڻ گهرجي، سيڪيورٽي فورسز جي ڪري ئي ملڪ ۾ امن آهي.ٽينس اسٽار اعصام الحق جو چوڻ آهي ته پاڪستان ڪرڪيٽ ۽ ٻيون ٽيمون ڀارت موڪلي سگهي ٿو ته پوءِ ڀارتي ٽيمن کي به پاڪستان اچڻ گهرجي.هن چيو ته انٽرنيشنل ٽينس فيڊريشن ڊيوس ڪپ جو فيصلو ميرٽ تي ڪيو، ڪو به سبب ناهي ته ڀارت ڊيوس ڪپ کيڏڻ لاءِ پاڪستان نه اچي، ڀارتي حڪومت ڀارتي ٽينس ٽيم تي ڪو به دٻاءُ وجهي.اعصام الحق جو چوڻ آهي ته ڀارتي ٽيم کي ڊيوس ڪپ ٽائيپ کيڏڻ لاءِ پاڪستان اچڻو پوندو، پاڪستان ۾ راندين کي پسند ڪندڙ ماڻهو موجود آهن، ڀارتي حڪومت پنهنجي ٽيمن کي پاڪستان نه موڪلڻ سان وڏي غلطي ڪندي.
