ڪراچي (اسٽاف رپورٽر) سنڌ ۽ ملڪ جي اڀرندي حصي تي چوماسي برساتن جو سلسلو جاري آهي جنهن سان 9 جولاءِ تائين سنڌ جي ڪافي هندن تي گجگوڙ سان برسات جو امڪان آهي پي ڊي ايم اي مون سون برساتن جي حوالي سان مختلف ضلعن جي ڊي سيز کي الرٽ جاري ڪري ڇڏيو ترجمان مطابق مون سون سنڌ ۽ ملڪ جي اڀرندڙ حصن ۾ اثرانداز ٿي رهيو آهي پي ڊي ايم اي مطابق ٿرپارڪر، عمرڪوٽ، ميرپورخاص ۾ گجگوڙ سان مينهن وسڻ جو امڪان اهي جڏهن ته بدين لاڙڪاڻو، قمبر شهدادڪوٽ، جيڪب آباد، شڪارپور ۾ برسات وسندي. ڪشمور سکر، دادو ۽ ڄامشورو ۾ 9 جولاءِ تائين برسات جو امڪان آهي گهوٽڪي خيرپور نوشهروفيروز ۾ گجگوڙ سان برسات وسندي ان کان سواءِ ڪراچي شهيد بينظير آباد، مٽياري، حيدرآباد، ٽنڊوالهيار، ٽنڊومحمد خان، سانگهڙ، ٺٽو ۽ سجاول ۾ 9 جولاءِ تائين برسات ٿي سگهي ٿي ان لاءِ لاڳاپيل ضلعن جا ڊي سيز ضروري احتياطي اپاءُ وٺن.
