واشنگٽن (ويب ڊيسڪ)ٽرمپ انتظاميا پرڏيهي شاگردن لاءِ ويزا ۽ انٽرويو کي فوري طور تي روڪڻ جو حڪم ڏنو آهي.پرڏيهي خبرون ڏيندڙ اداري موجب، سڀني بين الاقوامي درخواست ڏيندڙن جي سوشل ميڊيا اڪائونٽس کي سختي سان چيڪ ڪرڻ جو فيصلو ڪيو ويو آهي.آمريڪي پرڏيهي وزير مارڪو روبيو جي دستخط ڪيل ڪيبل تحت، ويزا درخواست ڏيندڙن جي سوشل ميڊيا پوسٽن، شيئرز ۽ تبصرن جي ويجهڙائي سان جانچ ڪئي ويندي.نيوز ايجنسي موجب، آمريڪي عهديدار چيو ته هي ويزا معطلي عارضي آهي ۽ انهن درخواست ڏيندڙن تي لاڳو نه ٿيندي جن جا ويزا انٽرويو اڳ ۾ ئي شيڊول ٿيل آهن.ويزا انٽرويوز جي معطلي بابت پڇڻ تي، آمريڪي پرڏيهي کاتي جي ترجمان ٽامي بروس چيو ته، “اسين آمريڪي ويزا لاءِ درخواست ڏيندڙن جي اسڪريننگ لاءِ هر ممڪن طريقو استعمال ڪندا رهنداسين ته جيئن اهو معلوم ٿئي ته ڪير هتي اچي رهيو آهي، ٽرمپ انتظاميا اڳ ۾ ئي هزارين شاگرد ويزا منسوخ ڪري چڪي آهي، ۽ وڌيڪ منسوخ ڪرڻ جون تياريون جاري آهن.
