ٻڌڻي دوران جج کي دل جو دورو، عدالتن پاران ملزمن کي سزا

دادو (ادل مهيسر)دادو جي فرسٽ سول جج ۽ جڊيشنل مئجسٽريٽ سيد ڪرم علي شاهه کي ڪيس جي ٻڌڻي دوران اوچتو دل ۾ تڪليف ٿي ، ايمبولينس نه پهچڻ ڪري جج کي سندس سرڪاري ڪار ۾ سول اسپتال دادو جي دل جي وارڊ ۾ آندو ويو ته سيشن جج دادو سميت جج ۽ وڪيل به پهچي ويا. اسپتال انتظاميه فوري طور دل جي ڊاڪٽر  ظهور احمد شيخ ۽ ٻين کي طلب ڪيو ، جج کي ابتدائي طبي امداد ڏيڻ بعد سيوهڻ جي سيد عبدالله شاهه  اسپتال ريفر ڪيو ويو،جتي سندس طبيعت سڌرندڙ ٻڌائي پئي وڃي.*** هوڏانهن دادو جي ماڊل ڪورٽ جي جج قتل ڪيس ثابت ٿيڻ تي 3 جوابدارن ميرل، اسلم ۽ لطف مشوري  کي عمر قيد ۽ هڪ هڪ لک روپيه ڏنڊ جي سزا ٻڌائي ڏنڊ نه ڏيڻ جي صورت ۾ جوابدار اضافي قيد ڀوڳيندا. 4 سال اڳ سڱاوتي تڪرار تان جوابدارن معشوق علي ڀرڳڙي کي قتل ڪيو هو.*** دادو جي ڦورٿ ايڊيشنل سيشن جج موٽر سائيڪل ڦر جي ڪيس ۾ دادو جي رھواسي رحمت الله خشڪ کي 20 ھزار ڏنڊ ۽ 7 سال قيد جي سزا ٻڌائي ڇڏي. 

پهنجو تبصرو موڪليو