ڪنڊيارو(اسد جعفري) سهڙا شاخ ۾ هڪ 30 ورهين جي عورت پنهنجي ٻن معصوم ٻارن سميت مبينه طور ٽپو ڏئي آپگهات ڪري ڇڏيو. آس پاس جي ڳوٺاڻ 5 ساله نينگر کي پاڻي مان ڪڍي بچائي ورتو جڏهن ته عورت ۽ نينگري فوت ٿي ويون. اطلاع تي ڪنڊيارو پوليس موقعي تي پهچي لاش ۽ بچي ويل نينگر کي تعلقي اسپتال ڪنڊيارو پهچايو جتي نينگر جي حالت سڌرندڙ ٻڌائي پئي وڃي. عورت ۽ ٻارن جي سڃاڻپ دادو واسين طور ٿي آھي پوليس مطابق فوتي عورت جو نالو 30 ساله انشيلا زال ياسين کوسو، فوتي نينگري جو نالو پارس ڌيءَ ياسين ۽ بچي ويل نينگر جو نالو 5 سالا مجاهد آھي جيڪي هن وقت دادو ۾ رهندڙ ھئا، عورت رات جو مڙس سان ناراض ٿي گهران نڪتي هئي، صبح جو سوير ڪنڊيارو ۾ ھڪ هوٽل تي چانهن پيئڻ بعد عورت معصوم ٻارن سميت شاخ ۾ ٽپو ڏئي خودڪشي ڪئي. لاش ضروري ڪارروائي بعد عورت جي ماسات اظهر کوسو حوالي ڪيا ويا جيڪو لاش ڳوٺ کڻائي ويا.
