عوامي شڪايت تي سعودي مان سفير سميت 6 اهلڪار واپس طلب

اسلام آباد ( رپورٽ الله وسايو گهوٽو) سعودي عرب ۾ پاڪستاني سفارتخانو پنهنجن شهرين جو خيال رکڻ ۾ ناڪام ٿي ويو، وزير اعظم سعودي عرب ۾ پاڪستاني سفير سنيت 6 سفارتڪارن کي واپس گهرائي ورتو، اعليٰ سطح جاچ جو اعلان، وزير اعظم عمران خان چيو آهي ته شڪايتون مليون آهن ته سعودي عرب ۾ پاڪستاني ليبر پريشانيون ڀوڳي رهي آهي، پر پاڪستاني سفير انهن لاءِ ڪجهه ناهي ڪيو، وزيراعظم عمران خان ھڪ تقريب کي خطاب ڪندي چيو تھ پرڏيھ ۾ رھندڙ پاڪستاني مشڪلاتن کي منھن ڏئي رھيا آھن، ھن چيو ته بدقسمتي سان ملڪ ۾ لانگ ٽرم پلاننگ جو الميو رهيو آهي، پاڪستان جي ايڪسپورٽ وڌائڻ لاءِ ڪنهن زور نه ڏنو، ايڪسپورٽ نه وڌڻ ۽ ڊالر جي گهٽتائي سبب آءِ ايم ايف وٽ وڃڻو پيو، 30سالن ۾ 20 ڀيرا آءِ ايم ايف وٽ وڃڻو پيو، 90لک اوور سيز پاڪستانين کي روشن ڊجيٽل اڪائونٽس ۾ منسلڪ ڪري سگهجي ٿو، اڪائونٽ ۾ هڪ ارب ڊالر اچڻ تي رضا باقر کي مبارڪون، اسان جي بينڪن کي ننڍن ماڻهن کي قرض ڏيڻ جي عادت ناهي.

پهنجو تبصرو موڪليو