لاهور: (ويب ڊيسڪ) پنجاب جي اطلاعات واري وزير عظميٰ بخاري چيو آهي ته جيل رولز کي فالو ڪرڻو پوندو ڪنهن کي به جيل ۾ ڪنهن به قسم جي سياسي گڏجاڻي جي اجازت نه آهي.نجي چينل جي پروگرام ۾ ڳالهيون ڪندي عظميٰ بخاري چيو ته ڪوڙ ڳالهايو ويو ته اڊياله جيل جي ٻاهران اسان جي مٿان پاڻي اڇليو ويو. هن چيو ته وڏو وزير سهيل آفريدي خط لکڻ کان پهريان ڪنهن وڪيل کان پڇي وٺي، ڪاش وڏي وزير سهيل آفريدي جيل قانون پڙهيا هجن ها، وزيراعليٰ جي قيدين سان ملاقات جي معاملي ۾ ڏي وٺ نه هوندي آهي.هن چيو ته پنجاب جي وزيراعليٰ کي سهيل آفريدي جي خط جو جواب ڏيڻ جي ضرورت نه آهي، جيل رولز کي فالو ڪرڻو پوندو، ڪنهن کي جيل ۾ ڪنهن سياسي گڏجاڻي جي اجازت نه آهي. پي ٽي آءِ باني جون وڪيلن سان 420 ملاقاتون ٿي چڪيون آهن.پنجاب جي اطلاعات واري وزير وڌيڪ چيو ته هي ملاقات جي لاءِ نه پر جيل جي ٻاهران امن امان جي صورتحال خراب ڪرڻ جي لاءِ جمع ٿيندا آهن. پنجاب جي وزيراعليٰ قيد ۾ پاڻ تي ڪيل ظلمن بابت ڪنهن سان ڳالهه ناهي ڪندي، پي ٽي آءِ باني کي ته باقاعده اٽيچ باٿ روم سان گڏ ڪموڊ به ٺاهي ڏنو ويو آهي.عظميٰ بخاري چيو ته ملاقات ٿي ويندي پر ملاقات ڪرڻ ۽ ڊرامي ۾ وڏو فرق آهي. پي ٽي آءِ باني جي گهر ڀاتين سان 189 ملاقاتون ٿي چڪيون آهن 190 ملاقات به ٿي ويندي. پنجاب حڪومت ڪنهن کي به ملاقات کان ناهي روڪيو ياد رهي خيبرپختونخواهه جي وڏي وزير سهيل آفريدي پي ٽي آءِ باني عمران خان جي ڀينرن کي عدالتي اجازت جي باوجود ملاقات کان روڪڻ تي پنجاب جي وزيراعليٰ مريم نواز کي خط لکيو هو
