اسلام آباد(بيورو رپورٽ)نگران پرڏيهي وزير جليل عباس جيلاني چيو آهي ته پاڪستان بيگناهه فلسطينين تي تشدد جي ڪاررواين جي مذمت ڪري ٿو.پنهنجي هڪ بيان ۾ جليل عباس جيلاني چيو آهي ته رفح ۾ اسرائيلي بمباري ۽ جارحيت افسوسناڪ آهي، اسرائيلي جارحيت عالمي قانونن ۽ انساني حقن جي سنگين ڀڃڪڙي آهي.جليل عباس جيلاني چيو آهي ته پاڪستان بيگناهه فلسطينين تي تشدد جي ڪاررواين جي مذمت ڪري ٿو ۽ بيگناهه فلسطينين خلاف فوري جنگ بندي جو مطالبو ڪري ٿو. هن جو چوڻ آهي ته دنيا اهڙن عملن تي اکيون بند ڪرڻ جي متحمل نه ٿي سگهي.
