استاد مقرر نه هجڻ ڪري اسڪول کي تالا لڳل، شاگردن جو احتجاج

اوٻاوڙو (غلام علي رند) گورنمينٽ بوائز پرائمري اسڪول پير احمد شير ۾  6 مهينن کان استاد نه هجڻ ڪري شاگردن جو مستقبل تباهه ٿيڻ لڳو، ٻارڙن جو ڊي او ايجوڪيشن خلاف احتجاج، ڪمشنر سکر شفيق احمد مهيسر جي کليل ڪچھري ۾ ٿيل آرڊر باوجود به استاد مقرر نه هجڻ ڪري اسڪول بند پيل آهن. ڳوٺاڻن جو چوڻ هو ته اسان جي اسڪول کي سياسي طور نظر انداز ڪيو ويو آھي ۽ اسڪول ۾ استاد نه هجڻ ڪري معصوم شاگردن جي تعليم تباھ ٿي وئي آھي ۽ اسڪول ۾ شاگرد استادن جو انتظار ڪري مايوس ٿي واپس هليا وڃن ٿا. ڳوٺاڻن پاران وزير اعليٰ سنڌ ۽ تعليم کاتي جي اعليٰ اختيارين کان مطالبو ڪيو ويو آهي ته اسڪول ۾ استاد مقرر ڪري شاگردن جي مستقبل کي بچايو وڃي.

کیٹاگری میں : سنڌ

پهنجو تبصرو موڪليو