اسلام آباد(ويب ڊيسڪ) ناڻي واري وزير اسحاق ڊار چيو آهي ته اسان کي هاڻي آءِ ايم ايف کان سواءِ جيئڻ سکڻو پوندو.هڪ بيان ۾ ناڻي واري وزير اميد ظاهر ڪئي ته آءِ ايم ايف پروگرام تي جلد صحيحون ٿينديون ۽ بورڊ جو اجلاس به ٿيندو.هن چيو ته پاڪستان ڊفالٽ ناهي ٺاهيو، پاڪستان جي پرڏيهي قرضن ۾ 4 ارب ڊالرن جي گهٽتائي ٿي آهي، ملڪ ۾ قرضن جو سلسلو بند ٿي چڪو آهي، هاڻي ان کي مڪمل طور تي واپس آڻڻو پوندو.اسحاق ڊار چيو ته 2013 کان 2018 تائين معيشت ۾ 126 ارب ڊالرن جو اضافو ٿيو ۽ گذريل 5 سالن ۾ رڳو 26 ڊالرن جو اضافو ٿيو.ناڻي واري وزير وڌيڪ چيو ته ڪوشش آهي ته 30 جون تائين پرڏيهي مٽاسٽا جا ذخيرا 12 ارب ڊالرن تائين پهچي وڃن، پاڪستان ترقي ڪندو، خسارو ڪنٽرول ڪيو ويندو، 8 مهينن لاءِ ڪرنٽ اڪائونٽ خسارو 4 ارب ڊالرن کان به گهٽ آهي.
