اسلام آباد (بيورو رپورٽ)ناڻي واري وزير اسحاق ڊار آءِ ايم ايف معاهدي جو دستاويز قومي اسيمبلي ۾ پيش ڪيو.ايوان ۾ ڳالهائيندي ناڻي واري وزير اسحاق ڊار جو چوڻ آهي ته اسان جي ڀرپور ڪوشش آهي ته نائين اليون جو جائزو ورتو وڃي، آءِ ايم ايف سان معاهدي جا دستاويز قومي اسيمبلي ۾ پيش ڪيا ويا آهن، اهو ڪم شفافيت برقرار رکڻ لاءِ ڪيو پيو وڃي.سندس چوڻ آهي ته سمورا دستاويز ناڻي واري وزارت جي ويب سائيٽ تي به موجود آهن، مان انهن سمورن دستاويزن جون ڪاپيون قومي اسيمبلي سيڪريٽريٽ جي لائبرريءَ کي به موڪلي رهيو آهيان.اسحاق ڊار چيو ته گذريل حڪومت جي ناقص پاليسين سبب ملڪي معيشت کي مشڪلاتن جو منهن ڏسڻو پيو.هن چيو ته هو آءِ ايم ايف سان معاهدي جا تفصيل ايوان ۾ پيش ڪري رهيا آهن، جنهن جو مقصد اهو آهي ته پارليامينٽ جا ميمبر تفصيل کان واقف ٿي سگهن. ناڻي واري وزير چيو ته آءِ ايم ايف جو نائين جائزو نومبر 2022ع ۾ ڏهين جائزو فيبروري 2023ع ۾ ٿيڻو هو، جڏهن ته يارنهن جائزو 2023ع ۾ ٿيڻو هو. هن چيو ته ساک جي کوٽ سبب نائين نظرثاني ۾ دير ٿي، 24-2023ع جي بجيٽ آئي پر نائين نظرثاني نه ڪئي وئي. ناڻي واري وزير اسحاق ڊار چيو آهي ته يقين ڏيان ٿو ته زراعت ۽ ريئل اسٽيٽ تي ڪو به ٽيڪس نه لڳايو ويندو، پاڪستان جا ذخيرا 14 ارب ڊالرن تائين پهچي ويا آهن. هن چيو ته خانگي بئنڪن وٽ 5.3 ارب ڊالرز جا ذخيرا آهن، اسٽيٽ بئنڪ وٽ 8.7 ارب ڊالرز جا ذخيرا آهن، هو ملڪ کي معاشي طور مستحڪم ڇڏڻ جي ڪوشش ڪري رهيا آهن.
