اسلام آباد(رپورٽ الله وسايو گهوٽو)ڪرونا وائرس سبب 40 کان وڌيڪ مريض فوت ٿي ويا آهن ۽ 3هزار300 کان وڌيڪ نوان ڪورونا ڪيس رپورٽ ٿياآهن.ڪورونا جي شماريات جي ويب سائيٽ مطابق پاڪستان ۾ گذريل 24 ڪلاڪن ۾ ڪوروناجا 45هزار999 ڪيس ٽيسٽ ڪيا ويا جنهن ۾ 3هزار 306 ماڻهن ۾ ڪورونا وائرس جي تصديق ڪئي وئي جڏهن ته 40 وڌيڪ وائرس کان متاثر مريض فوت ٿي ويا. سرڪاري پورٽ موجب گذريل 24 ڪلاڪن ۾ ڪورونا مثبت شرح 7.1 سيڪڙو رهي آهي.سرڪاري پورٽل مطابق پاڪستان ۾ ڪورونا ڪيسن سبب فوتين جو تعداد 7هزار 843 ٿي ويو آهي جڏهن ته ڪيسن جو ڪل انگ 3لک86هزار198 تائين پهچي ويو آهي. ان کانسواءِ سڄي ملڪ ۾ 1هزار 418 ڪورونا مريض 24 ڪلاڪن ۾صحتياب ٿي چڪا آهن.سنڌ ۾ ڪورونا جي مريضن جو ڪل تعداد 1لک67هزار 381 تائين پهچي ويو آهي جڏهن ته 2هزار 866 ماڻهو هن وقت تائين فوت ٿي چڪا آهن. بلوچستان ۾ مريضن جو ڪل تعداد 16هزار 942 آهي ۽ فوتين جو تعداد 165 ٿي چڪو آهي. خيبرپختونخواهه ۾ ڪورونا جي مريضن جو تعداد 45هزار 828 ٿي چڪو آهي ۽ فوتين جو تعداد 1هزار344 ٿي چڪو آهي جڏهن ته آزاد ڪشمير ۾ 6هزار403 ماڻهو وائرس کان متاثر ٿيا ۽ 152 ماڻهو فوت ٿي چڪا آهن.گلگت بلتستان ۾ ڪورونا مريضن جو تعداد هينئر تائين 4هزار583 ٿي ويو آهي ۽ 96 ماڻهو فوت ٿي چڪا آهن. وفاقي گادي واري اسلام آباد ۾ ڪورونا مريضن جو ڪل تعداد 28هزار 555 آهي ۽ هن وقت تائين 297 مريض فوت ٿي چڪا آهن.
