ٺڪراٺو (ن س) ڳوٺ احمدو فقير مان پورهيت شاهنواز راڄڙ جي گهران ٽن چورن گهر ۾ گهڙي ڪمري جا دروازا ٽوڙي گهر ۾ پيل پيتيون کڻي ويا. گهر جي ٻاهران وڃي پيتين جا تالا ڀڃي انهن ۾ رکيل سون ۽ چاندي جا زيور، روڪ رقم ۽ ٻيو سامان چورائي ويا. مبارڪپور پوليس کي بروقت اطلاع ڏنو ويو پر پوليس نه پهتي. ميڊيا سان ڳالهائيندي ڳوٺاڻن شاهنواز، حاجي عبدالمجيد، حبيب الله ۽ اقبال راڄڙ ٻڌايو ته اسان جي علائقي ۾ چورين جو آزار وڌي ويو آهي. روز بروز چوريون ٿين پيون پر مبارڪپور پوليس ڪو به تدارڪ نه ٿي ڪري.
