لاهور (م ڊ) پنجاب جي نئين چونڊيل وڏي وزير حمزا شهباز چيو آهي ته پاڪستان تحريڪ انصاف جو سڄو خاندان بيمار هجي ته به ن ليگ پنجاب ۾ حڪومت ٺاهيندي.لاهور ۾ کوکر پيلس ۾ ڪارڪنن کي خطاب ڪندي حمزا شهباز چيو ته حلف کڻڻ جي ڳالهه ايندي آهي ته گورنر بيمار ٿيندو آهي ته ڪڏهن صدر موڪل تي هليو ويندو آهي.هن مخالفن تي واضح ڪيو ته جيڪڏهن پي ٽي آءِ جو سڄو خاندان بيمار ٿي پوي ته به پنجاب ۾ مسلم ليگ حڪومت ٺاهيندي. حمزا شهباز عمران خان جي گهرواري بشرا بي بي جي ويجهي دوست فرح گوگي کي به تنقيد جو نشانو بڻائيندي چيو ته فرح گوگي 200 ڪنال زمين پئسن لاءِ ورتي جڏهن ته نيازي توشه خاني مان واچ ورتي ۽ ڪروڙن ۾ وڪرو ڪئي.نون چونڊيل وڏي وزير چيو ته عمران روئي رهيو هو ۽ چئي رهيو هو ته ميڊيا منهنجي تقرير نه ڏيکاري، اوهان جي دور ۾ ميڊيا هائوسز جي مالڪن کي جيلن ۾ وڌو ويو، صحافين کي کنڀيو ويو، سندن گهرن تي ڇاپا هنيا ويا، ميڊيا جي مهرباني اوهان جو. خبر. مٿي ڪري ٿو
