اسلام آباد(بيورو رپورٽ)سپريم ڪورٽ آف پاڪستان جي رجسٽرار عدالتي رپورٽرن لاءِ گائيڊ لائينز جي عنوان سان نئون حڪم جاري ڪري ڇڏيو آهي.سومر تي جاري ڪيل حڪم نامي موجب سپريم ڪورٽ جي احاطي ۾ وڊيو رڪارڊنگ ۽ يوٽيوب ويلاگس تي پابندي لڳائي وئي آهي، جڏهن ته عدالت جي ڪمري ۾ صحافين جي داخلا تي به پابندي لڳائڻ جو اشارو ڏنو ويو آهي.رجسٽرار طرفان جاري ڪيل هدايتن جي منظوري چيف جسٽس قاضي فائز عيسيٰ ڏني جنهن تحت صحافين جي ڳولا ڪئي ويندي.
