اسلام آباد(رپورٽ الله وسايو گهوٽو) وزيراعظم جي صدارت هيٺ وفاقي ڪابينا جي اجلاس ۾ به مافيا جي حوالي سان آوازون ٻڌڻ ۾ اينديون رهيون ۽ وزير اعظم عمران خان وزيرن کي مافيا سان وڙهڻ جو ٽاسڪ ڏيئي ڇڏيو آهي . اجلاس ۾ سائنس ۽ ٽيڪنالاجي واري وفاقي وزير فواد چوڌري ، ريلوي واري وفاقي وزير اعظم سواتي ۽ ٻين وزيرن مافيا خلاف شڪايتون داخل ڪيون.فواد چوڌري چيو ته گاڏين جي مافيا گاڏين جي پاليسي جي خلاف آهي جڏهن ته اعظم سواتي ڪابينا کي سي ڊي اي ۽ آر ڊي اي ۾ ڪرپشن جي تفصيل ڏيئي ڇڏيا.وزيراعظم عمران خان وفاقي ڪابينا کي چيو ته هو ڪنهن دٻاءُ ۾ نه اچن هر قسم جي مافيا کي شڪست ڏيڻي آهي عمران خان چيو ته عوام هن مافيا سان وڙهڻ لاءِ حڪومت کي مينڊيٽ ڏنو آهي.
