ڪراچي(اسٽاف رپورٽر) اسٽيٽ بئنڪ آف پاڪستان مارچ مهيني لاءِ مزدورن جي ترسيل جا تفصيل جاري ڪري ڇڏيا آهن.اسٽيٽ بئنڪ موجب مارچ 2023ع ۾ مزدورن جون ترسيلون 2.53 ارب ڊالر هيون ۽ هن سال فيبروري جي ڀيٽ ۾ مارچ ۾ 54.49 ملين ڊالر کان وڌيڪ ترسيلون آيون.مرڪزي بئنڪ موجب مارچ 2023ع جي ترسيل رقم فيبروري جي ڀيٽ ۾ 27.4 سيڪڙو کان وڌيڪ هئي، مارچ ۾ سعودي عرب مان 560 ملين ڊالر ۽ گڏيل عرب امارات مان 40 ملين ڊالر موڪليا ويا.اسٽيٽ بئنڪ موجب گذريل مهيني برطانيه مان 42 ملين ڊالر ۽ آمريڪا مان 31 ملين ڊالر موڪليا ويا، جڏهن ته سعودي عرب ۾ رهندڙ پاڪستانين جولاءِ کان مارچ تائين 4 ارب 91 ڪروڙ ڊالر پاڪستان موڪليا، 9 مهينن ۾ سعودي عرب مان 16 سيڪڙو گهٽ رقم موڪلي وئي آهي. جولاءِ کان مارچ تائين يو اي اي مان 3.60 بلين ڊالر پاڪستان موڪليا ويا.برطانيا ۾ رهندڙ پاڪستانين 9 مهينن ۾ 3 ارب ڊالرن جون موڪلون موڪليون، ٻين نار ملڪن مان پاڪستانين 9 مهينن ۾ 2.41 بلين ڊالر پاڪستان موڪليا.يورپي يونين ۾ رهندڙ پاڪستانين 9 مهينن ۾ 2 ارب 34 ڪروڙ ڊالر جون موڪلون موڪليون آهن جڏهن ته آمريڪا ۾ رهندڙ پاڪستانين 9 مهينن ۾ 2 ارب 28 ڪروڙ ڊالر موڪليا آهن.هلندڙ مالي سال جي پهرين 9 مهينن ۾ مزدورن جون موڪلون 20 ارب 52 ڪروڙ ڊالر آهن.هلندڙ مالي سال جي 9 مهينن ۾ ترسيلون گذريل مالي سال جي پهرين 9 مهينن جي ڀيٽ ۾ 11 سيڪڙو گهٽ رهيون، جولاءِ کان مارچ تائين اوسط ماهوار ترسيل 2.28 بلين ڊالر رهيا.
