لاهور (ويب ڊيسڪ) قانون واري وزير نذير تارڙ چيو آهي ته سياسي معاملا عدالتن ۾ نه وڃڻ گهرجن، جڏهن به سياسي معاملو عدالت ۾ ويو ته ملڪ کي نقصان پهتو، ضرورت جي نظريي تحت عدالتن جي ڏنل سمورن فيصلن ملڪ کي نقصان پهچايو آهي.ملڪ احمد خان سان گڏ ماڊل ٽائون ۾ پريس ڪانفرنس ڪندي اعظم نذير تارڙ چيو ته اڄ هڪ ٻي آڊيو ليڪ ٿي وئي آهي، گذارش آهي ته ڳالهه ٻولهه جو ماحول ٺاهيو وڃي ته ادارا سامهون اچي وڃن، ماضي ۾ اڳوڻو چيف وزير ۽ سپريم ڪورٽ بار جي صدر جو آڊيو به سامهون آيو.هن چيو ته ثاقب نثار کي تمام گهڻي احتياط ڪرڻ گهرجي، اڄ ٽيڪنالاجي جو دور آهي، شيون ٻاهر اچن ٿيون، قانون جي بالادستي لاءِ شيون شفاف ٿيڻ گهرجن.اعظم نذير تارڙ جو چوڻ آهي ته ادارن خاص ڪري عدليه سان لاڳاپيل ماڻهن تي اعتماد ڪيو وڃي، جاهل ماڻهو ادارن کي منهن ڏيڻ جي ڪوشش ڪري رهيا آهن.قانون واري وزير چيو ته پهريون ڀيرو حڪم جاري ڪيو ويو ته قانون تي عمل نه ڪيو ويندو، عدالت کي تڏهن ئي عزت ملندي، جڏهن عوام کي اعتماد هوندو، آئين پارليامينٽ کي قانون سازي جو اختيار ڏنو آهي.اعظم نذير تارڙ وڌيڪ چيو ته وفاقي حڪومت هن وقت تائين ڪا به توهين عدالت ناهي ڪئي، معاملا آئين ۽ قانون موجب هلندا آهن خواهشن تي نه، حڪومت پنهنجي ذميوارين کان آگاهه آهي.هن جو اهو به چوڻ آهي ته وزيراعظم جو آڊيوز به ليڪ ٿيو، ان تي اسان ڪميٽي ٺاهي آهي، جيڪي به شيون سامهون اچي رهيون آهن انهن جي فرانزڪ ٿيڻ گهرجي.
