غوثپور (ن سنڌيار) برسات سان لاڳاپيل خبرون غوثپور جي ھندو برادري لاڳيتو ڏيڍ مھيني کان جاري برساتن سبب علائقي ۾ آيل تباھي کي ڏسي درياء شاھ دادلي وٽ پھچي ويئي۔ خصوصي پراٿنائون ڪيون ويون۔۔ شھر جي ھندو پئنچايت جي مکي سريش لال تلريجا جي اڳواڻي ۾ ھندو برادرري جي سوين ماڻھن اڄ غوثپور ۽ آسپاس جي مختلف ڳوٺن ۾ لاڳيتو مون سون جي برسات سبب ٿيل تباھي جي روڪٿام لا۽ شھر ڀرسان بيگاري سنڌ فيڊر ڪئنال جي ڪناري تي پھچي خصوصي پرٿنائون ڪرڻ لا۽ پھچي ويئي۔ ان موقعي تي ڌڪڙ ۽ باجا کڻي پاڻي جي پير لال سائين کي ٻاڏايو ويو۔ ڀڄن ڳائي پرٿنائون ڪيون ويون۔ ۽ درياء شاھ دادلي کي چانورن جون مٺيون ديڳون ارپڻ ڪيون /کارايون ويون۔ ان موقعي تي ھندو پئنچايت جي مکي جي اڳواڻي ۾ سوين ھندو برادري جي ماڻھن جھوليون جھلي درياء شاھ کي ٻاڏائيندي تباھي کان ٽارو ڪرڻ ۽ مسڪينن جون پڪارون ٻڌڻ جي وينتي ڪئي۔ ان موقعي تي پئنچايت طرفان آيل عقيدت مندن ۾ مٺا چانور ۽ شربت پڻ ورھايو ويو۔
