لاهور(ويب ڊيسڪ)مشهور پاڪستاني فلمساز سيد نور اداڪارا صائمه سان پنهنجي شادي کي هڪ ڏهاڪي تائين راز ۾ رکڻ جو سبب ٻڌائي ڇڏيو آهي.سيد نور تازو ئي هڪ خانگي ٽي وي شو ۾ مهمان طور نظر آيو جتي هن اداڪاره صائمه سان پنهنجي شادي جي ڳالهه ڪئي.هن هن شو ۾ پهريون ڀيرو اعتراف ڪيو ته مون اداڪاره صائمه سان پنهنجي شادي کي هڪ ڏهاڪي تائين ڳجهو رکيو هو.فلمساز اهو به انڪشاف ڪيو ته ٻنهي جا خاندان شادي جي خلاف هئا ۽ نڪاح ختم ڪرڻ جي ڪوشش ڪندا رهيا.سيد نور جو چوڻ هو ته منهنجي پهرين زال رخسانه نور هڪ گهر واري هئي، مان پاڻ کيس فلمن ۾ وٺي آيو ۽ هن فلمن لاءِ جيڪي به گانا لکيا اهي تمام گهڻا مقبول ٿيا.هن چيو ته منهنجي زال رخسانه کي جڏهن صائمه سان منهنجي شادي جي خبر پئي ته هوءَ ناراض ٿي وئي پر پوءِ هوءَ راضي ٿي وئي ۽ رخسانه پهرين منهنجي ٻي شادي قبول ڪئي.صائمه سان شادي ۽ پيار بابت ڳالهائيندي هن چيو ته صائمه کي ڏسندي ئي مون کي پيار ٿي ويو پر مون ان محبت جو اظهار ڪيترن سالن کانپوءِ ڪيو.سيد نور اهو به اعتراف ڪيو ته منهنجي ۽ صائمه جي شادي 1998ع ۾ فلم ’چوديان‘ جي رليز ٿيڻ کان پوءِ ٿي، پر اسان ان شادي کي 2007ع تائين ڳجهو رکيو.
