اسلام آباد: قومي اسيمبليءَ جي اسپيڪر سردار اياز صادق ميڊيا سان ڳالهائيندي چيو آهي ته وزيراعظم يا اسپيڪر خلاف عدم اعتماد جي تحريڪ آڻڻ اپوزيشن جو آئيني حق آهي، جيڪڏهن هو تحريڪ آڻيندا ته کين مڪمل سهولت ڏني ويندي. هن واضح ڪيو ته کورم پورو ڪرڻ حڪومت ۽ اپوزيشن ٻنهي جي ذميواري آهي. اياز صادق وڌيڪ چيو ته هن پي ٽي آءِ ميمبرن جا ڪميٽين تان ڏنل اسٽعفيٰ اڃا تائين منظور ناهن ڪيا ۽ هو چاهي ٿو ته پي ٽي آءِ ڪميٽين ۾ پنهنجو فعال ڪردار ادا ڪري.
