نصيرآباد (ويب ڊيسڪ) نصيرآباد ۾ گيس ڪمپريسر ڌماڪي سبب هڪ ئي گهر جا ٽي معصوم ٻار ۽ سندن ماءُ فوت ٿي ويا.نصيرآباد جي ابڙو ڪالوني جي رهواسي شاهد علي ابڙو جي گهر ۾ اوچتو اي سي ڪمپريسر ڦاٽڻ سبب هڪ وڏو نقصان ٿيو. شاهد علي جو 2 سالن جو پٽ موقعي تي ئي فوت ٿي ويو، جڏهن ته شاهد علي، سندس زال، هڪ پٽ ۽ هڪ ڌيءَ سخت زخمي ٿي پيا.واقعي جي اطلاع ملندي ئي زخمين کي فوري طور تي ڪراچي منتقل ڪيو ويو، پر 3 ڏينهن تائين زندگي ۽ موت جي جنگ ۾ رهڻ کان پوءِ، شاهد علي جي زال، پٽ ۽ ڌيءَ به بچي نه سگهيا.جڏهن هڪ ئي گهر مان ماءُ ۽ ٻن ٻارن جا لاش مليا ته گهر جو هر ڪنڊ سوڳ ۾ ٻڏي ويو.شاهد علي جي ڀاءُ چيو ته شاهد علي پوليس ۾ ڪلاس فور ملازم آهي، هو گهر تمام گهڻي محنت سان هلائيندو هو، اسان کي ڪيئن خبر هئي ته گيس ڪمپريسر اسان جي گهر جون خوشيون تباهه ڪري ڇڏيندو جڏهن ته شاهد علي پاڻ اسپتال ۾ سخت زخمي حالت ۾ پنهنجي زندگي لاءِ وڙهي رهيو آهي.
