اسلام آباد (بيورو رپورٽ) پمز سانحي جي اڪيلي بچيل ايزل پنهنجي حياتي وڃائي ويٺي.ازل جي پيءُ ٻڌايو ته هوءَ اسپتال ۾ علاج هيٺ هئي؛ اسلام آباد جي پمز اسپتال ۾ باهه لڳڻ دوران هڪ نرس ان ٻارڙي کي بچائڻ ۾ ڪامياب ٿي وئي هئي.ياد رهي ته پمز سانحي جي جاچ رپورٽ گذريل ڏينهن جاري ڪئي وئي هئي، جنهن ۾ 14 نون ڄاول ٻارن جي المناڪ موت کي انتظامي ناڪامي قرار ڏنو ويو هو ۽ عملي کي ڪلين چٽ ڏني وئي هئي.رپورٽ موجب، سڌي طرح ذميوار عملي ٻارن کي اڪيلو نه ڇڏيو هو؛ چارج نرس نسرين اختر، سيڪيورٽي گارڊ ماريا سليم ۽ اسٽاف نرس راضيه نورين ٻارن کي بچائڻ لاءِ فوري قدم کنيا. نرس راضيه نورين هڪ نئين ڄاول ٻار کي بچايو ۽ نرسري ۾ ٻيهر داخل ٿيڻ جي ڪوشش ڪئي.
