راولپنڊي (ويب ڊيسڪ) اڳوڻي گهرو وزير شيخ رشيد جو چوڻ آهي ته پاڪستان سنگين سياسي، سماجي، معاشي ۽ مالياتي عدم استحڪام مان گذري رهيو آهي، اهڙي موقعي تي هڪ ناپسنديده شخص کي صوبي جو نگران وڏو وزير بڻائڻ عوام سان مذاق ۽ جمهوريت جو مذاق آهي. سماجي رابطن واري ويب سائيٽ ٽوئيٽر تي جاري ڪيل پنهنجي ٽوئيٽ ۾ شيخ رشيد چيو ته اليڪشن ڪميشن طرفان جنهن شخص کي پنجاب جو وڏو وزير نامزد ڪيو ويو آهي اهو اليڪشن ڪميشن جي ڪارڪردگي تي سواليه نشان آهي. هن چيو ته 13 پارٽيون جيڪي به ڪن، عوام جي فيصلي کي روڪڻ پاڪستان سان ناانصافي ۽ ظلم هوندو. اهي به چوندا آهن ته عوام غالب ٿيندو، توهان تباهه ٿي ويندا، سڀئي ارادا ناڪام ٿي ويندا، عوام توهان کي شڪست ڏيندو.
