اسلام آباد(بيورو رپورٽ)ن ليگ اڳواڻ طلال چوڌري چيو آهي ته عمران خان لانگ مارچ جي تاريخ نه ڏئي ڇا ثابت ڪري رهيو آهي، توهان بزدل آهيو، ڌمڪيون نه ڏيو، تاريخ ڏيو. اسلام آباد ۾ ميڊيا سان ڳالهائيندي طلال چوڌري چيو ته عمران خان اعتراف ڪري ته چونڊون ٿينديون، جنهن حڪومت کي هو 26 ڪلوميٽرن جي حڪومت چون.هن چيو ته اسان دل تي پٿر رکي ڏکيا فيصلا ڪيا، ڏکين فيصلن سان سياسي نقصان ٿيو آهي، نواز شريف عام چونڊن کان اڳ هتي پهچندو ۽ عام ماڻهو کي رليف ملندو.ن ليگ اڳواڻ چيو ته نواز شريف ڪنهن به بيڪ چينل ڳالهين تي يقين نه ٿو رکي، جيڪي به ڳالهيون ٿينديون عوام جي سامهون هونديون، پارليامينٽ ۾ جيڪو ڪجهه ٿيندو، ان ذريعي ئي ڳالهيون ٿينديون.هنن جو اهو به چوڻ آهي ته اسان جو ڪو به پٺڀرائي ناهي، توهان پاڪستان جي صدر کي وچولي طور استعمال ڪري رهيا آهيو، عمران خان ڏينهن ۾ مذاق ڪندو آهي ۽ رات جو بهاري ٿو گهرندو آهي، سندس مقبوليت پاڻي جو بلبل آهي.
