لنڊن(ويب ڊيسڪ)ميسيجنگ ايپ ٽيليگرام جي باني پال ڊيروف خبردار ڪيو آهي ته واٽس اپ هڪ نگراني وارو اوزار ثابت ٿي رهيو آهي ۽ ماڻهو فوري طور تي ايپ استعمال ڪرڻ بند ڪن. ٽيليگرام جي باني، واٽس اپ جي تازي سيڪيورٽي مسئلن جو حوالو ڏيندي چيو ته جيڪڏهن ميٽا جي ملڪيت واري ايپ کي نه ڇڏيو ويو ته صارفين جا فون هيڪ ٿي سگهن ٿا.واضح رهي ته واٽس اپ ڪجهه ڏينهن اڳ هڪ بيان ۾ چيو هو ته ميسيجنگ ايپ کي سيڪيورٽي خامين کي منهن ڏيڻو پيو هو پر ان کي اپڊيٽ ذريعي حل ڪيو ويو هو.پال ڊوروف خبردار ڪيو آهي ته اهي سيڪيورٽي خاميون هيڪرز کي واٽس ايپ استعمال ڪندڙن جي فونن تي ڪنٽرول ڪرڻ جي اجازت ڏين ٿيون. هن هڪ آرٽيڪل ۾ چيو ته جيڪڏهن توهان جي فون ۾ ميٽا جي ميسيجنگ ايپ انسٽال ٿيل آهي ته هيڪرز ڊوائيس جي سموري ڊيٽا تائين رسائي حاصل ڪري سگهن ٿا. هن چيو ته هو اهو نه چئي رهيو آهي ته ماڻهو ٽيليگرام استعمال ڪرڻ شروع ڪن پر واٽس اپ کان ضرور پري رهن، جيڪو 13 سالن کان نگراني جو اوزار آهي.ٽيليگرام جو باني ان کان اڳ به ڪيترائي ڀيرا دعويٰ ڪري چڪو آهي ته واٽس اپ صارفين لاءِ محفوظ ناهي.ان کان اڳ هڪ بيان ۾ هن چيو ته جيستائين ميٽا واٽس اپ ۾ بنيادي تبديليون نه ڪندو، اهو صارفين جي سيڪيورٽي لاءِ خطرو آهي.واضح رهي ته ٽيليگرام واٽس ايپ جي هڪ حریف ايپ آهي، جنهن جي استعمال ڪندڙن جو انگ ڪورونا وائرس جي وبا دوران تمام گهڻو وڌي ويو آهي. هن وقت ٽيليگرام جا 700 ملين کان وڌيڪ استعمال ڪندڙ آهن جڏهن ته واٽس اپ جا 2 ارب کان وڌيڪ استعمال ڪندڙ آهن. انهن جي مقابلي ۾ ايپ آهي فيس بڪ ميسينجر ميٽا جي ملڪيت آهي ٻئي طرف ميٽا جي ترجمان ٽيليگرام جي باني جي بيان کي رد ڪري ڇڏيو آهي.
