اسلام آباد (بيورو رپورٽ)اسلام آباد هاءِ ڪورٽ شهر ۾ قلم 144 جي ڀڃڪڙي خلاف پي ٽي آءِ جي درخواست تي فيصلو محفوظ ڪري ورتو.اسلام آباد هاءِ ڪورٽ ۾ پي ٽي آءِ جي سينيٽر سيف الله نيازي ۽ اسد عمر جي درخواست تي ٻڌڻي ٿي، جنهن ۾ عدالت درخواست کي التوا وارن ڪيسن سان ڳنڍڻ جي هدايت ڪئي.اسد عمر عدالت کي ٻڌايو ته ڊسٽرڪٽ مئجسٽريٽ 2 مهينن لاءِ قلم 144 لاڳو ڪيو جيڪو قانون خلاف آهي، عدالت پڇاڻو ڪيو ته اوهان ڪيئن متاثر ٿيا آهيو؟ ڇا توھان ڪجھھ بند ڪيو آھي؟ ان تي پي ٽي آءِ جي وڪيل بابر اعواڻ چيو ته ان ڪيس ۾ ريلي نٿي ٿي سگهي. جسٽس اطهر من الله چيو ته احتجاج يا ريلي ڪرڻ جو هڪ طريقو هوندو آهي جنهن لاءِ اجازت گهري ويندي آهي، ڌرڻا ڪيس جو به فيصلو آهي، ڇا توهان پڙهيو آهي؟ هن پارٽي جي ٻن صوبن ۾ حڪومت آهي، ڇا هتي ڪڏهن به قلم 144 لاڳو ناهي ٿيو؟ امن امان جو معاملو انتظاميه کي ڏسڻو آهي جنهن ۾ عدالت ڪڏهن به مداخلت نه ڪندي.اسد عمر جي وڪيل چيو ته اها اڳوڻي ايم اين اي جي درخواست آهي نه ڪنهن سياسي پارٽي جي، جسٽس اطهر من الله رمارڪس ڏنا ته اها ڪنهن اڳوڻي اسيمبلي ميمبر جي درخواست ناهي، درخواستگذار اڃا به قومي اسيمبلي جو ميمبر آهي. جيستائين استعيفيٰ قبول نه ٿي ٿئي، تيستائين هو اسيمبليءَ جو ميمبر آهي.اسلام آباد هاءِ ڪورٽ جي چيف جسٽس رمارڪس ڏيندي چيو ته پنجاب ۽ ڪي پي ڪي ۾ هن پارٽي جون حڪومتون آهن، توهان پهريان انهن صوبن ۾ وڃو ۽ اسيمبلي مان اهو قانون ختم ڪرايو، صوبائي اسيمبلين مان قانون ختم ٿيڻ بعد هتي اچو. بعد ۾ عدالت شهر ۾ قلم 144 جي ڀڃڪڙي خلاف پي ٽي آءِ جي درخواست تي فيصلو محفوظ ڪري ورتو.
