اسلام آباد(بيورو رپورٽ)وفاقي حڪومت ايندڙ 15 ڏينهن لاءِ پيٽروليم شين جي قيمتن ۾ گهٽتائي ڪري ڇڏي آهي.اسلام آباد ۾ پريس ڪانفرنس ڪندي ناڻي واري وفاقي وزير اسحاق ڊار چيو ته پيٽرول جي قيمت ۾ 12 رپيا 63 پئسا في ليٽر گهٽتائي ڪئي وئي آهي، نئين قيمت 224 رپيا 80 پئسا في ليٽر ٿيندي.هن چيو ته ڊيزل جي قيمت ۾ 12 رپيا 13 پئسا في ليٽر گهٽتائي ڪئي وئي آهي ۽ ان جي قيمت 235 رپيا 30 پئسا في ليٽر مقرر ڪئي وئي آهي، جڏهن ته لائيٽ ڊيزل جي قيمت ۾ 10 رپيا 78 پئسا في ليٽر گهٽتائي ڪئي وئي آهي ۽ هاڻي نئين قيمت لائيٽ ڊيزل جو اگهه 186 رپيا 50 پئسا في ليٽر ٿيندو.ناڻي واري وزير چيو ته گاسليٽ جي قيمت ۾ 10 رپيا 19 پئسا في ليٽر گهٽتائي ڪئي وئي آهي، نئين قيمت 191 83 پئسا في ليٽر ٿي وئي آهي.پيٽروليم شين جي قيمتن جو اطلاق اڄ رات 12 وڳي کان ٿيندو.
