پشاور(ويب ڊيسڪ)خيبرپختونخواهه جا ڪيترائي شهر ٻوڏ جي لپيٽ ۾ آهن ۽ نوشهره کانپوءِ چارسده به ٻوڏ جي خطري هيٺ آهي.چارسده ضلعي ڀرسان منڊا هيڊ ورڪس جي پل سيلابي پاڻي هيٺ ڊهي وئي، جنهن سبب چارسده، نوشهره ۽ ڀرپاسي وارن علائقن ۾ وڏي ٻوڏ جو خطرو آهي.پل ڊهي وڃڻ جي نتيجي ۾ تعلقي شپ قادر ۽ تعلقي پڊانگ جو زميني رابطو ڪٽجي ويو ۽ آبپاشي جو نظام درهم برهم ٿي ويو.نوشهره سان گڏ چارسده ضلعو به وڏي ٻوڏ جي خطري هيٺ آهي ۽ شهرين جي بي گهر ٿيڻ جو سلسلو به جاري آهي.چارسده ۾ خاصخيلي وٽ وڏي سطح جي ٻوڏ آهي ۽ پاڻي جي سطح تيزي سان وڌي رهي آهي، جڏهن ته ڦاٿل شهرين کي ڪڍڻ لاءِ ڪوششون جاري آهن.ٻوڏ متاثرن هاءِ وي تي پناهه ورتي آهي ۽ متاثرن جو وڏو انگ کليل آسمان هيٺ راتيون گذاري رهيا آهن.رپورٽن مطابق مقامي انتظاميا ٻوڏ کان اڳ وارننگ جاري ڪري ڇڏي هئي جنهن سبب هن وقت تائين ڪنهن به جاني نقصان جو اطلاع ناهي مليو.
نوشهره ندي مان 2 لک 10 هزار ڪيوسڪ ريل گذري رهي آهي: آبپاشي کاتي جو فلڊ ڪنٽرول
ٻئي طرف نوشهره وٽ ڪابل درياهه ۾ پاڻي جي سطح ۾ واڌ ٿي رهي آهي ۽ آبپاشي فلڊ ڪنٽرول موجب 2 لک 10 هزار ڪيوسڪ جي ريل جو وهڪرو گذري رهيو آهي.ايريگيشن فلڊ ڪنٽرول جو چوڻ آهي ته سوات درياهه جو 2 لک 90 هزار ڪيوسڪ پاڻي نوشهره مان 2 وڳي منجهند 4 وڳي تائين گذرندو، جڏهن ته ورسڪ ڊيم مان 15 هزار ڪيوسڪ پاڻي ڪابل درياهه ۾ ڇڏيو پيو وڃي ۽ 4 لک ڪيوسڪ پاڻي نوشهره مان 2 کان 4 وڳي تائين گذرندو. گذري ويندو
