اسلام آباد(ويب ڊيسڪ)عوامي مسلم ليگ جي سربراهه ۽ اڳوڻي وفاقي گهرو وزير شيخ رشيد احمد چيو آهي ته ڪالهه تقريبن فيصلو هو ته اڄ قومي اسيمبلي مان استعيفيٰ ڏينداسين.قومي اسيمبلي ۾ آمد جي موقعي تي ميڊيا سان ڳالهائيندي شيخ رشيد احمد چيو ته سياست هاڻي شروع ٿي چڪي آهي، هاڻي خبر پوندي ته 100 مان 20 ڪيترا آهن.اڳوڻي وفاقي وزير وڌيڪ چيو ته ڪرپٽ ماڻهو آچر تي فائلون تبديل ڪري رهيا آهن ته جيئن فرد جرم لاڳو نه ٿئي، مٿن 12.12 ارب رپين جا ڪيس آهن، اسٽيبلشمينٽ کي ڄاڻڻ گهرجي ته اهي چهرا قوم ڏسڻ لاءِ تيار ناهن.هن چيو ته هنن ماڻهن بيوروڪريسي جي مدد سان فائلون تبديل ڪيون آهن، مان ٽن ڏينهن لاءِ عمري تي وڃي رهيو آهيان، کين نه ڇڏيندس، جيڪڏهن اها امپورٽ حڪومت قائم ٿي ته منهنجو نالو شهباز شريف هجي.شيخ رشيد چيو ته هن کان اڳ نه ٻڌو ويو، ڪالهه مون عمران خان کي چيو هو ۽ ڪالهه به اهو ئي فيصلو هو ته اڄ استعيفيٰ ڏينداسين.
