پاڪستان نئين آمريڪي صدر سان بهتر لاڳاپن جو خواهشمند آهي,قريشي

اسلام آباد (رپورٽ الله وسايو گهوٽو) پرڏيهي وزير شاهه محمود قريشي چيو آهي ته پاڪستان آمريڪا جي نئين انتظاميه سان بهتر لاڳاپن جو خواهشمند آهي.جوبائيڊن فارين ريليشنز ڪميٽي جو متحرڪ ۽ فعال  ميمبر رهي چڪو آهي. جوبائيڊن ڏکڻ ايشيائي خطي جي حوالي سان واضح  راءِ رکي ٿو. شاهه محمود قريشي نئين آمريڪي انتظاميه ۽ پاڪ آمريڪا لاڳاپن بابت بيان ڏيندي چيو ته اميد آهي ته آمريڪا جي نئين انتظاميه 80 لک هٿين خالي مظلوم ڪشميرين کي ڀارتي ظلمن کان ڇوٽڪارو ڏيارڻ ۾ مددگار ثابت ٿيندي.والاريل ڪشمير ۾ انساني حقن جي حوالي سان صورتحال ڳڻتي جوڳي آهي. اهڙي صورتحالي جي نشاندهي دنيا ڪري رهي آهي. والاريل ڪشمير جي حوالي سان جهڙي طرح يورپي ۽ برطانوي پارليامينٽ ۾ آواز اٿاري وئي. جلد آمريڪي پارليامينٽ ۾ به اهڙيون آوازون ٻڌڻ ۾ اينديون.پرڏيهي وزير پنهنجي بيان ۾ وڌيڪ چيو ته افغانستان جي حوالي سان پاڪستان ۽ نئين آمريڪي انتظاميه جي سوچ ۾ هڪ جهڙائي آهي. آمريڪي انتظاميه جو چين سان به رويو بهتر آهي.

پهنجو تبصرو موڪليو