ڪراچي (اسٽاف رپورٽر) ڪورونا وائرس جي ايس او پيز تي عمل نه ڪرڻ ۽ استادن جي وائرس ۾ مبتلا هئڻ سبب ملڪ جي 24 تعليمي ادارن کي بند ڪيو ويو آهي. سنڌ جي صوبائي وزير سعيد غني چيو آهي ته سيوهڻ ۽ مٽياري جي ڪاليجن ۾ 8، 8 استادن ۾ وائرس جي تصديق بعد ٻنهي ڪاليجن کي بند ڪيو ويو آهي. پوري ملڪ ۾ تقريبن 6 مهينن بعد تعليمي ادارا کوليا ويا آهن، پر حڪومت جي طرفان ڪورونا وائرس جي پکيڙ روڪڻ جي لاءِ ايس او پيز جاري ڪيل آهن ۽ ان تي عملدرآمد نه ٿيڻ تي سخت ايڪشن ورتو ويو آهي، نيشنل ڪمانڊ اينڊ ڪنٽرول سينٽر موجب ملڪ ۾ گذريل 48 ڪلاڪن جي دوران ڪورونا ايس او پيز تي عملدرآمد نه ڪرڻ تي 22 تعليمي ادارن کي بند ڪيو ويو آهي، جن ۾ ڪي پي ڪي ۾ 16، اسلام آباد ۾ هڪ ۽ آزاد ڪشمير ۾ 5 تعيليمي ادارن کي بند ڪيو ويو آهي. جيڪي اسڪول ايس او پيز تي عملدرآمد نه ڪندا انهن کي بند ڪيو ويندو.
