ڪراچي (اسٽاف رپورٽر) اسٽاڪ ايڪسچينج تي ٿيل حملي ۾ شهيد پوليس سب انسپيڪٽر شاهد علي جي جنازي نماز ۾ سينئر پوليس ۽ رينجرز جا آفيسر شريڪ ٿيا جنهن بعد ڪورونا سبب مڪمل ايس او پيز موجب کيس ميوا ساهه جي قبرستان ۾ مٽي ماءُ حوالي ڪيو ويو.
مرحوم جي سوڳوارن ۾ بيواهه کانسواءِ 3 پٽ ۽ هڪ نياڻي ڇڏيا آهن. پوليس ۽ رينجرز جي آفيسرن سندس پٽ سان عذر خواهي ڪندي سندس قرباني جي واکاڻ ڪندي چيو ته مرحوم بهادر جوان هو. علائقي جي چونڊيل نمائندن به جنازي ۾ شرڪت ڪئي.
