راولپنڊي (ويب ڊيسڪ)ريلوي واري وفاقي وزير حنيف عباسي چيو آهي ته ڊيل لاءِ ٻنهي پاسن کان رضامندي ضروري آهي.هن راولپنڊي ۾ بينظير ڀٽو اسپتال جو دورو ڪيو ۽ ان موقعي تي ميڊيا سان ڳالهائيندي چيو ته 9 مئي کي فتح ڪري اقتدار حاصل ڪرڻ جي خواهش غلط آهي.حنيف عباسي چيو آهي ته ڊيل لاءِ ٻنهي پاسن کان رضامندي ضروري آهي ۽ جيڪڏهن رضامندي ٿي وڃي ته ڊيل ٿي ويندي.هن چيو آهي ته هر قيدي کي علاج ڪرائڻ جو حق آهي ۽ پي ٽي آءِ جي باني کي علاج ڪرائڻ جو حق آهي، پر جڏهن مان جيل ۾ هوس ته مون ڪيترائي ڀيرا ذاتي ڊاڪٽر جي درخواست ڪئي پر نه ٻڌو ويو.ريلوي واري وفاقي وزير وڌيڪ چيو آهي ته جيل ۾، مون کي علاج کان اڳ پنهنجن ٻارن سان ملڻ جي اجازت نه هئي.حنيف عباسي اهو به چيو آهي ته مون سڄي زندگي واپارين سان سياست ڪئي آهي ۽ مون ضلعي انتظاميا کي چيو آهي ته واپارين جي هڙتال کان اڳ انهن جا مسئلا حل ڪيا وڃن.ان کان اڳ حنيف عباسي بينظير ڀٽو اسپتال ۾ مريضن لاءِ هڪ سهولت مرڪز جو افتتاح ڪيو.
