لاهور(ويب ڊيسڪ)پاڪستاني ٽيم ايندڙ مهيني ڏکڻ آفريڪا ۾ کيڏي ويندڙ انڊر 19 ڪرڪيٽ ورلڊ ڪپ جي تيارين جي سلسلي ۾ لاهور ۾ ٽريننگ شروع ڪري ڇڏي آهي.قومي انڊر 19 ڪرڪيٽ ٽيم جي 9 ڏينهن واري ڪيمپ لاهور ۾ شروع ٿي وئي، پهرين ڏينهن صبح جي سيشن ۾ رانديگرن قذافي اسٽيڊيم ۾ فٽنيس ٽريننگ سيشن ڪيو، جڏهن ته شام جو ڪوچز جي نگراني هيٺ بيٽنگ ۽ بالنگ جي سيشن ۾ رانديگرن خوب داد حاصل ڪيو. پاڪستان انڊر 19 ٽيم ورلڊ ڪپ ۾ شرڪت لاءِ 6 جنوري تي ڏکڻ آفريڪا روانو ٿيندي.
