لاهور(ويب ڊيسڪ)پي ٽي آءِ سياسي گرمي ۽ ڇڪتاڻ گهٽائڻ لاءِ جماعت اسلامي کان مدد گهري ورتي.پي ٽي آءِ اڳواڻ اسد عمر ۽ سينيٽر اعجاز چوڌري جماعت اسلامي جي هيڊڪوارٽر منصوره لاهور پهتا ۽ جماعت اسلامي جي امير سراج الحق سان ملاقات ڪئي.ذريعن موجب پي ٽي آءِ اڳواڻن سراج الحق کي ٻڌايو ته هن 2014ع ۾ به بحران ختم ڪرائڻ ۾ ڪردار ادا ڪيو، موجوده بحران جي خاتمي ۾ مدد ۽ آئين ۽ قانون جي پاسداري ڪئي.ذريعن جو چوڻ آهي ته سراج الحق جواب ڏنو ته پي ٽي آءِ پهريان گرين سگنل ڏئي، پوءِ ڳالهيون ڪندا، بهتر آهي ته سياسي پارٽيون ويهي ويهي مسئلا حل ڪن، ڪنهن تنظيم جي ثالثي کان بهتر آهي.سراج الحق جي لفظن تي پي ٽي آءِ اڳواڻن چيو ته هو عمران خان سان ڳالهه ٻولهه ڪري جواب ڏيندا.
